Inspirasjonslunsj 2025 - Berekraftig Innovasjon på Menyen
Den 27. mars inviterte HVL Skape og Sogn Næring til ein open og gratis inspirasjonslunsj på biblioteket på HVL i Sogndal, som en del av Sirkulærdagen. Her serverte Smake Meir ein smakfull og fargerik lunsj laga av overskotsmat, medan fire spennande, lokale føredragshaldarar delte sine bidrag til sirkularitet innan mat og tekstil.
Sirkulære løysinger innan mat og tekstil - kvifor fokusere på dette?
Vi er del av eit samfunn der sirkulær økonomi spelar ei stadig større rolle. Behovet for berekraftig innovasjon innan mat og tekstil er større enn nokon gong før, og nettopp derfor valde HVL Skape og Sogn Næring å setje fokus på dette. Vi snakkar mykje om de negative effektane av klimaendringar og kor ille det står til her i verda, og det kan hende vi gløymer å sette fokus på suksesshistoriene.
Kunnskapsdeling, kreativitet og inspirasjon er viktige aspekt av innovasjon og vegen mot eit berekraftig samfunn, så idéen bak inspirasjonslunsjen var nettopp å sette fokus på dette og framheve nokre suksesshistorier innan innovasjon og berekraft.
Difor hadde vi invitert Bøtun Gard, Simas, Estelle Bourdet og Sogn Næring til å inspirere oss med sine ulike måtar å tilnærme seg berekraftig innovasjon og sirkulær økonomi.
Fargerik mat og inspirasjon i hjerte av Sogndal
Biblioteket sumde av forventa stemning då deltakarane på arrangementet fekk auge på den fargerike maten frå Smake Meir, flott arrangert på buffeten. Dei forventningsfulle deltakarane forsynde seg og snakka lystig medan føredragshaldarane vart presenterte.
Frå Jord til Bord: Mathilde Buch Larsen og Bøtun Gard
Mathilde Buch Larsen frå Bøtun Gard inntok scena og fortalde lidenskapeleg om si veg frå friluftslivstudent til gründer og gründer av Bøtun Gard. Den økologiske matprodusenten fokuserer på sesongbasert grønsaksproduksjon og kort veg frå jord til bord.
Ombruk og gjenvinning: Jørn Mortensen og Simas
Jørn Mortensen frå Simas var den neste føredragshaldaren til å fange publikum sin merksemd og gjorde oss klokare på tekstilavfallhandsaming og korleis jeans kan gjenvinnast og nyttast som mellom anna golvbelegg!
Skap Verdi frå Avfall: Estelle Bourdet sin Tekstilkunst
Tekstilkunstnaren Estelle Bourdet inspirerte publikum med kreative måtar å skapa verdi av noko som ved første auga ser ut som avfall. Estelle fortrylla oss med sin fargerike tekstilkunst laga av mellom anna gamle lakner og klatretau.
Industriell Symbiose for Grøne Forandringar: Karoline Søvik Myklebust og Sogn Næring
Sist, men ikkje minst, fortalde Karoline Søvik Myklebust frå Sogn Næring om Sogn Biohub, som arbeider for å skapa industriell symbiose mellom bedrifter i Vestland fylke for på den måten å få opp farten på den grøne omstillinga.
Takk for denne gongen – Vi ses neste år!
Ein stor takk til alle som deltok på arrangementet, Lise Sundberg frå Smake Meir for å tenkje kreativt og servere fantastisk mat laga av overskotsråvarer, takk til føredragshaldarane Mathilde Buch Larsen, Jørn Mortensen, Estelle Bourdet og Karoline Søvik Myklebust. Til slutt også ein takk til Eigargruppa Campus for å sponse arrangementet.
Vi håpar å sjå dykk på neste års arrangement, der vi gjentar suksessen.
Skrevet av Emilie Vad Johannsen den 1.4.2025.